Trener Sutjeske nakon poraza: Bili smo opterećeni faulovima i izgubili smo čvrstinu u odbrani

 Trener Sutjeske nakon poraza: Bili smo opterećeni faulovima i izgubili smo čvrstinu u odbrani

Foto:foto: ABA2

Košarkaši Sutjeske porazom su otvorili prvi turnir Druge ABA lige. Nikšićani su sinoć poraženi od Zlatibora 78:82 (25:16, 18:19, 20:15, 15:32)

Košarkaši Sutjeske su vodili tokom utakmice ali su u završnici prokockali prednost.

Sutjeska je u prvoj četvrtini imala dvocifreni višak (16:6), početkom trećeg dijela imali su i maksimalnih 17 poena viška (57:40).

Početkom četvrte četvrtine tim Velimira Gašića imao je prednost od 16 poena (66:50), ali su nakon toga greške i pad koncentracije učinili svoje, ekipa Zlatibora je to vješto iskoristila i okrenula rezultat u svoju korist.

“Prije svega čestitke ekipi Zlatibora na zasluženoj pobjedi. Mislim da smo im u velikoj mjeri, našim greškama i padom koncentracije u vrlo bitnim djelovima igre pomogli ekipi Zlatibora da da se vrate rezultatski i zabilježe pobjedu. Bilo je dobrih stvari u našoj igri, u tri četvrtine ali došlo je do drastičnog pada koncentracije kod mojih igrača. Bili smo opterećeni faulovima i izgubili smo čvrstinu u odbrani. Nismo ni dobro reagovali na njihovu zonsku odbranu. Sve to je iskusna ekipa Zlatibora znala da kazni i upiše pobjedu”, rekao je Gašić.

Avatar

Portal Nikšić

Pročitajte još